Milli Observatoriyada ISO 9001:2015, ISO 29993:2017 və ISO 10015:2019 standartları üzrə sertifikatlaşdırma auditi keçirilib
Əmək və Əhalinin Sosial Müdafiəsi Nazirliyinin tabeliyindəki Əmək Bazarı və Sosial Müdafiə Məsələləri üzrə Milli Observatoriya ISO 9001:2015, ISO 29993:2017 və ISO 10015:2019 standartları üzrə bütün mərhələləri uğurla keçib.
INCERT şirkətinin mütəxəssisləri tərəfindən keçirilmiş sertifikatlaşdırma auditi zamanı Milli Observatoriyanın, adı keçən standartların tələblərinə uyğunluğu və adekvatlığı, sənədləşdirmə sistemi, personalın hazırlıq səviyyəsi və sairə işlər yoxlanılıb. Auditin nəticəsi olaraq görülən işlər yüksək qiymətləndirilib və qurumun fəaliyyətinin hər üç standartın tələblərinə cavab verdiyi təsdiqlənib.
